ಚೀಲ ತುಂಬಾ ಹಣ, ಜೇಬು ತುಂಬೆಲ್ಲ ಪಟಾಕಿ!

(ಬೊಗಳೂರು ದಿವಾಳಿ ಬ್ಯುರೋದಿಂದ)
ಈ ಬಾರಿ ಜಾಗತಿಕ ಹಣಕಾಸು ಬಿಕ್ಕಟ್ಟು ಬಡ ಭಿಕ್ಷುಕರ ಕಿಸೆಗೂ ಕತ್ತರಿ ಹಾಕಿರುವುದರಿಂದ, ಅವರ ಮೊಬೈಲ್ ಬಿಲ್ ಕಟ್ಟಲು, ಅವರ ಟಿವಿ ಕೇಬಲ್ ಬಿಲ್ ಕೊಡಲು, ಮತ್ತು ಪಟಾಕಿ ಬಾಂಬ್ ಕೊಳ್ಳುವ ಶಕ್ತಿಯನ್ನು ತಗ್ಗಿಸಿವುದರ ಪರಿಣಾಮವಾಗಿ ಬೊಗಳೂರಿನ ಸಮಸ್ತ ಜನತೆ ಈ ಬಾರಿ ವಿಶಿಷ್ಟವಾಗಿ ದೀಪಾವಳಿ ಅಲ್ಲಲ್ಲ... ದಿವಾಳಿ ಆಚರಿಸಿದರು ಎಂದು ನಮ್ಮ ಬಾತ್ಮೀದಾರರು ಅಡಗಿ ಕುಳಿತು ವ-ರದ್ದಿ ತಂದುಕೊಟ್ಟಿದ್ದಾರೆ.

ಈ ಬಗ್ಗೆ ವಿಚಾರಿಸಲಾಗಿ, ಬೊಗಳೂರು ಬ್ಯುರೋ ಅನುಸರಿಸಿದ ಕ್ರಮದಂತೆಯೇ ಎಲ್ಲರೂ ದಿವಾಳಿ ಆ(ಚರಿಸಿ)ಗಿರುವುದಾಗಿ ತಿಳಿದುಬಂದಿದೆ.

ಹೇಗಂದ್ರೆ, ಚೀಲಾ ತುಂಬಾ ನೋಟಿನ ಕಂತೆ ತುಂಬಿಕೊಂಡು ಪಟಾಕಿ ಅಂಗಡಿಗೆ ಹೋಗಿ ಜೇಬು ತುಂಬಾ ಪಟಾಕಿ ತಂದು ಸುಟ್ಟು ಹಾಕುವ ಮೂಲಕ!